Како да одберете совршени праски: Со овие трикови не можете да погрешите!
Корисни совети
Со помош на овие совети ќе уживате во вкусот на најдобрите праски
Праските се полни со витамини, минерали и хранливи материи, а ја надоместуваат и изгубената течност што ни е неопходна за време на летните горештини.
Но како да одберете праски со најдобар вкус?
При одбирањето праски, најважна е бојата. Идеални се оние што имаат жолто месо и златноцрвеникава кора.
Добро обрнете внимание на петелките. Ако имаат понежни нијанси на жолта, тогаш тие се помалку зрели, додека златните нијанси укажуваат на зрела овошка.
Немојте да купувате овошје што има зелени дамки, вдлабнати или рамни подрачја. Исто така, одбегнувајте праски со набрана кора, бидејќи тоа значи дека веројатно биле оладени по борбата, па се исушиле.
Каков мирис има највкусната праска?
Мирисот на праската е поврзан со нејзиниот вкус. Ако воопшто нема мирис, значи нема да има ни вкус. Меѓутоа, тоа не е секогаш така, зависи и од видот на праската, но би требало да има јак мирис.
Поврзани објави
Дали треба да го допирате ова овошје?
Кога нежно ќе ја допрете праската, ќе откриете многу работи за неа. Нежно притиснете го крајот на петелката и доколку почувствувате дека е мека, значи дека овошката е зрела, додека, пак, ако е цврста – не е зрела.
Однапред планирајте го пазарењето
Ако печете колач што веднаш ќе го јадете, одберете го најзрелото овошје. Ако сакате да ги јадете неколку денови, побарајте помалку зрели плодови.
Чувајте ги правилно
Праските треба да ги чувате на собна температура. Стебленцето свртете го надоле и поставете ги во еден слој за да не се оштетат.
Ако станат премногу зрели пред да ги изедете, чувајте ги во фрижидер.