6 совети како да бидете повеќе одморени

Дневниот одмор и ноќниот сон нè штитат од пад на имунитетот, помагаат во опоравување после тренинг, спасуваат од деконцентрација и ја зачувуваат убавината на нашата кожа и се неопходни за губење на тежината. Затоа ви откриваме како да спиете како бебе.

Дигитална детоксикација

Колку и да е тешко, обидете се да избегнувате мобилни уреди, компјутери, таблети и други гаџети два часа пред спиење. Сината светлина што ја емитираат електронските уреди го намалува нивото на мелатонин, хормонот одговорен за чувство на поспаност.

Аларм

Време е да си набавите класичен будилник! Нека ве буди секое утро наместо вашиот мобилен телефон. Овој ретро аларм нема опција „одложување“, што е одлична вест затоа што одложувањето на будењето околу 10 минути нема да ви овозможи дополнителни квалитетни минути сон, а најверојатно ќе доцните на работа.

Спиење со ТВ

Обидете се да не заспиете пред ТВ. Студија за спиење покажа дека сигурно ќе се разбудите барем еднаш во текот на ноќта, а токму таквиот наизменичен сон доведува до слаб квалитет на спиењето.

Температура

Намалувањето на телесната температура може да помогне во сонот. Идеалната температура во вашата спална соба треба да биде помеѓу 18 и 20 Целзиусови степени. Но, ве советуваме дефинитивно да ги загреете рацете и нозете, особено во зимските месеци.

Вечера пред спиење

Најдобрите вечерни оброци содржат триптофан, есенцијална аминокиселина која придонесува за лачење на хормонот серотонин. Тој е оној кој успешно го регулира спиењето. Примери на оброци што можеме да ги јадеме пред спиење се јајца, сирење, млеко со малку маснотии, јаболко или житарици од цели зрна со млеко.

Душек

Колку години има вашиот душек? Ако има повеќе од 10 години, време е за промена! Кревет со соодветна поддршка ќе ви обезбеди да се вртите помалку ноќе, да се будите помалку, помалку вознемирување и што е најважно, помалку е веројатно да се разбудите наутро чувствувајќи замор.

Прочитајте и: Одговараме на вечното прашање: Спиење со чорапи или не?

ФОТО: Getty Images