Трите најомразени хороскопски знаци: Ова се причините зошто никој не може да ги поднесе
Вистина или мит?
Кога вашиот соговорник ќе дознае што сте во хороскоп, целиот негов впечаток за вас се менува
Па така, Близнаците се сметаат за генерално неодлучни, Јарците за тврдоглави, Раковите за пречувствителни, Рибите за чудни – јасна ви е поентата. Иако астрологијата може да ни понуди многу детален увид во тоа какви може да бидеме според хороскопскиот знак, важно е да запомните дека вашиот знак не ве дефинира.
Сепак, малку забава не е на одмет, па ви ги претставуваме трите најомразени знаци во хороскопот, но и ви откриваме зошто се толку феноменални.
Лав
Лавот честопати е претставен како гневен его-манијак. Луѓето го доживуваат како некој кој се опсипува себеси со скапи подароци, притоа фалејќи се и снимајќи се со камера пред вашиот нос, велејќи ви да се тргнете за да не му го покривате светлото.
Вистината е далеку од тоа. Лавовите се исклучително чувствителни и тие само сакаат да ги опсипат луѓето околу себе со топлина и нежни прегратки. Великодушни се и без размислување ќе ви дадат сè. Секогаш се тука за да ви дадат поттик и да ја покренат забавата. Лавот секогаш повеќе се грижи за своите добри пријатели одошто за самиот себе. Ако ја занемарите гривата, Лавовите се само нежни мачиња кои обожаваат да се галат.
Близнаци
Поврзани објави
Неодлучни дрдорковци кои не можат да се одлучат помеѓу потполно исти јаболка. За нив се мисли дека се многу ладни како личности и дека не знаат да ги одржат пријателствата. Другите ги сметаат за луѓе на кои не може да им се верува и за озборувачи.
Сепак, вистината е далеку од тоа. Додека се чини дека тие вечно се премислуваат, Близнаците всушност ги разгледуваат добрите и лошите страни на секоја ситуација. Близнаците не донесуваат лесно одлуки ниту склопуваат привидни пријателства. Иако сакаат да зборуваат, никогаш нема да ги издадат тајните на своите искрени пријатели. Ако некому треба да му се отворите, тоа нека бидат Близнаците, бидејќи не постои нешто за коешто би ве осудиле.
Скорпија
Вистински филмски негативец. Скорпиите се претставени како суштества од пеколот кои одвај чекаат да зададат смртоносен убод. Нивната мистериозност луѓето ја толкуваат како планирање да им нанесат зло на оние со кои доаѓаат во контакт.
И да, иако се многу мистериозни, тие немаат скриени зли намери. Малку потешко стекнуваат доверба во луѓето околу себе, поради што и изгледаат така молчаливо и повлечено. Нивниот ладнокрвен хумор всушност им служи како заштита за нивната емотивна природа. Кога се доволно уверени дека нема да им наштетите, Скорпиите се во состојба да го жртвуваат својот живот за вас.