ХОРОСКОП: Дознајте што ве очекува на љубовен план овој јануари

Астро-прогноза

Фото: Pexels

Почетокот на новата година за голем број припадници на 12-те знаци на Зодијакот претставува и почеток на ново, романтично поглавје во животот. Некои ќе ја зацврстат љубовта и ќе го направат следниот чекор во врската, но некои ќе му стават крај на „отровниот“ емотивен однос. Во продолжение прочитајте каков месец ве очекува на љубовен план и ако сте зафатени, но и ако сте „соло“.

Овен

Ако сте во врска:

По првите 7 дена од месецот ќе влезете во фаза во која ќе бидете мотивирани за остварување на заеднички цели. Ќе ви се зголеми и зајакне страста, а тоа ќе им годи на двете страни. Врската ќе ви биде динамична и со меѓусебно поддржување. Ќе откриете нови начини на кои ќе си ги остварувате желбите и потребите во љубовта. Во втората половина ќе преовладуваат нежности, а ќе бидете во можност да исполните некоја желба на партнерот.

Ако сте слободни:

Ќе ви се пружат повеќе прилики да влезете во врска, бидејќи ќе бидете опкружени со личности кои ќе сакаат да ви го привлечат вниманието. Една од нив ќе ве привлече со атрактивен изглед, а ќе зрачи со енергија и страст. Некоја од нив ќе се издвојува по својата оригиналност и интелектуалност, а ќе има и некоја што ќе биде романтична. Изборот ќе биде тежок.

Бик

Ако сте во врска:

Во првата декада од јануари ќе наидете на поголемо прифаќање на вашите идеи од страна на партнерот и ќе имате поголема поддршка, но ќе го бара тоа и за возврат. Без размислување ќе се вложите обострано во врската. Повремено можни се мали несогласувања, но лесно ќе ги решите. Во втората декада ќе ви годат интимни моменти само за вас двајца, но можни се поголеми конфликти за плановите на долг рок. Направете промени во плановите.

Ако сте слободни:

Некоја личност која неодамна сте ја запознале, ќе ви се јави или пише, а ќе следи и предлог за средба со разни изговори со кои ќе сака да ја изнуди средбата. Ќе сфатите дека ѝ се допаѓате, ќе почнете да се гледате, но нема да бидете сигурни што сакате. Физичкиот изглед ќе ве привлекува, но ви пречи слободата на изразување. Сепак, до крајот на месецот може да ви се смени мислењето.

Близнаци

Ако сте во врска:

Првиот месец од годината ќе ви донесе пријатни интимни моменти со саканата личност. Ќе бидете романтични, ќе фантазирате, имате добра комуникација и добро чувство кога сте заедно. Ќе се разбудат скриените страсти, а ќе имате и усогласени идеи околу заедничкиот простор. Можно е да започнете да живеете заедно, да го промените или реновирате живеалиштето. До крајот на месецот можно е да откриете некои тајни кој партнерот ги криел, а тоа ќе донесе тешкотии во односот.

Ако сте слободни:

Во првата половина на јануари ќе бидете расположени за кратки авантури, ќе бидете во контакт со некои поранешни партнери и ќе комуницирате со личности кои ви се допаѓаат. Најмногу внимание ќе обрнете на личноста која ќе знае да ве поткрене од зимската монотонија, некој кој е полн со акција и со кој имате бројни интереси, но ќе бидете заинтересирани за отворена врска.

Рак

Ако сте во врска:

Првиот дел од месецот ќе го поминете во заеднички активности со партнерот и со најблиските. Во врската ќе внесете забава и ќе излезете од монотонијата која може да влијае лошо на љубовниот живот. Фокусирани сте на некои заеднички цели. Во втората половина на месецот ќе успеете да внесете некои новитети што целосно ќе ја трансформира врската. Ве очекува период на стабилност и зајакнување.

Ако сте слободни:

Во текот на јануари ќе успеете да си ги остварите љубовните желби. Ќе запознаете некој кој ќе ви ја врати вербата во љубов на прв поглед. Помеѓу вас ќе има хемија која не се опишува, а ќе се гледате на необични места типични за вашите интереси.

Лав

Ако сте во врска:

Во првата половина на месецот ќе успеете да внесете нешто ново и квалитетно во односот со саканата личност. Тоа ќе ви донесе стабилност и согласување околу најважните работи во врската. Ќе ја подобрите комуникацијата и ќе имате подобро разбирање еден за друг. Крајот на месецот може да донесе неочекувани кавги, но ќе покажете дека не паѓате на мали искушенија и ќе излезете посилни од конфликтот.

Ако сте слободни:

Месец јануари ќе биде динамичен и ќе запознавате разни личности кои имаат потенцијал да ви станат партнери. Ќе можете да бирате помеѓу личности кои се вечни оптимисти и ве носат во својот розов свет, или некој кој е насочен на науката и амбициозноста. Постарите Лавови ќе го гледаат љубовниот живот од нов агол и ќе се впуштат во некои нови искуства кои претходно биле неприфатливи за нив.

Девица

Ако сте во врска:

Очекувајте подобрена комуникација со партнерот. Ќе имате некое добро чувство дека работите одат кон нагорна линија и љубовниот живот ви добива посебен шмек. Ќе си бидете погодени во текот на јануари, ќе имате „интерни шеги“ што другите нема да ги разбираат и ќе сфатите колку сте создадени еден за друг. Нема да дозволите времето поминато заедно да ви е здодевно, дури и ако сте во домашна атмосфера и сами.

Ако сте слободни:

Јануари ќе ви донесе неочекувана средба и познанство со личност која ќе ве привлече како магнет и од која нема да може да ги тргнете мислите. Ќе ве заведе со начинот на зборување, со пристапот, со интелигенцијата, а ќе имате добро чувство дека нема да заврши како некоја претходна авантура. Постарите Девици може да влезат во врска која ќе биде трајна.

Терезија

Ако сте во врска:

Од 6-ти јануари се очекува да влезете во не толку добра фаза. Овој период ќе ви донесе тешкотии во односот со саканата личност. Партнерот ќе биде оптоварен со разни проблеми и нема да има трпение за вас. Фрустрациите влијаат лошо на љубовната врска, а на вас ви е потребна поголема динамика и забавни активности, додека партнерот е оптоварен со финансии. Втората половина ќе биде стресна, но вашата потреба за подобрување и внесување новитети ќе наиде на отпор. Позитивни промени се очекуваат кон крајот на месецот.

Ако сте слободни:

Ќе „паднете“ на личност која ќе ја запознаете на некој настан или на социјални мрежи. Ќе бидете прилично активни на сите профили и ќе ви се допаѓа наклонетоста која ќе ја има кон вас. Ќе имате чувство дека се познавате со години и дека знае што ви е потребно. Сепак внимавајте, кај некои Ваги тоа ќе биде само лажен прв впечаток. Бидете на сигурно дали и другата личност е за врска или за минлива авантура.

Скорпија

Ако сте во врска:

Првиот дел од месецот ќе ви донесе повеќе време за заеднички мигови со партнерот, но тоа истовремено може да предизвика и некој вид на напнатост. Атмосферата ќе ве тера почесто да разговарате за работи кои секогаш создаваат несогласување, што ќе доведе до кавги. На вашиот партнер му е потребна поголема поддршка и разбирање од вас. Кон средината на месецот можни се несогласувања во семејството и неможност за договор околу некои семејни обврски. Крајот на месецот ќе ве натера да внесете новитети во врската за да не дозволите целосно оладување на односите.

Ако сте слободни:

Почетокот на новата година ви носи познанство со личност која ќе ве привлече со својата внатрешна топлина. Нема да се познавате многу, а веќе ќе се разбирате со поглед иако само кратко време сте остварувале комуникација. Ќе уживате во заедничкото време и активности и до крајот на месецот веќе може да запловите во романтична врска.

Стрелец

Ако сте во врска:

Поставеноста на планетите во јануари ќе донесе подобар однос со саканата личност, подобрена комуникација и повеќе страсти. Ќе си одговарате еден со друг и ќе можете да си ги остварите заедничките цели на подолг рок. Кон средината на месецот можна е неочекувана напнатост во односот, а причината ќе биде нешто што долго време сте одложувале да го решите и се таложел немир. Разговарајте за работите од кои не сте задоволни.

Ако сте слободни:

Првата декада од месецот ќе ви донесе личности кои ќе ви го привлечат вниманието. Ќе ви годи вниманието кое го добивате, но повеќе ќе уживате во физичката привлечност, бидејќи нема посебна хемија која има потенцијал за сериозна врска. Во втората половина на месецот можно е некој друг да ви го одвлече вниманието од погрешната личност.

Јарец

Ако сте во врска:

Ве очекуваат заеднички моменти полни со усогласување на желбите и замислите за животот. Ќе уживате во интимни моменти во кои може да се опуштите и да се исклучите од динамичното секојдневие. Сепак, нема да дозволите да ве обземе монотонија, па сами ќе си создавате забавни активности. Втората половина од месецот е многу поволна за остварување на некои долго замислувани планови. Ве очекуваат квалитетни промени.

Ако сте слободни:

Личноста која срамежливо ви испраќа сигнали дека ѝ се допаѓате, конечно ќе добие зелено светло од вас. Ќе прифатите да излезете и да се запознаете подобро. За кратко време ќе ви влезе во животот. Срамежливоста кај личноста ќе ви биде симпатична, а брзо ќе најдете заеднички интереси и ќе сфатите дека ви одговара и некој што е поповлечен.

Водолија

Ако сте во врска:

Во вас ќе владее некое добро чувство дека врската ви оди во одличен правец, а ќе уживате во мноштвото интимни моменти со саканата личност. Имате желба да си удоволувате еден со друг и често ќе правите мали изненадувања за зачинување на односите. Врската ќе добие на квалитет и ќе имате идеи како уште повеќе да ја зајакнете и освежите. Бидете внимателни при решавањето на некои семејни прашања и домашни обврски.

Ако сте слободни:

Ќе бидете занесени и склони кон идеализирање на некоја личност која ќе ве привлече на прв поглед, без да гледате реално на ситуацијата. Бидете одмерени во реакциите. Со секоја ситница си се уверувате дека тоа е личноста за вас, но проблемот е во тоа што таа личност не гледа така на овој однос. Иако не сте за слободна врска, сепак некои од Водолиите ќе дадат шанса во обид да ја задржат личноста …

Риби

Ако сте во врска:

Во почетокот на месецот ќе бидете во фаза на дружење и излегување заедно со саканата личност. Ќе водите активен живот, што на двајцата ќе ви годи. Ќе имате повеќе време да се посветите еден на други и ќе се препуштите на интимните моменти. Несогласувањата нема да ве одминат и вас овој месец, но ќе бидете целосно фокусирани на заедничките остварувања, па лесно ќе ги надминувате. Преовладуваат искрени чувства, разбирање и поддршка.

Ако сте слободни:

Во месец јануари ќе ви се разбудат страстите и ќе се впуштите во авантура. Во првата половина ќе се гледате со личност, а среќата ќе сакате да ја зачувате за себе, па во прво време нема да имате желба за споделување со блиските. Првичните страсти може брзо да спласнат, но постои можност да ја одржите авантурата и да прерасне во нешто повеќе до крајот на месецот.

Фото: Pexels

Прочитајте и
Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.