Руменилото сè уште е во тренд!
Чекор по чекор до заводлив секси-изглед
Откога почнавте да се шминкате, руменилото е задолжителен дел на вашиот секојдневен мејкап-режим. Но пред да го нанесете на вообичаениот начин, размислете за новите начини за истакнување на образите.
1 Невино
Погледнете се во огледало и насмевнете се. Ја забележувате заобленоста на јаболчните коски? На тие места треба да нанесете руменило. Доволен е еден потег со четката веднаш под јаболчиците и ќе постигнете младешки, но не и куклест изглед.
2 Секси
Повлечете линија со крем-руменило во боја на фуксија – по надворешниот раб на јаболчиците, па до слепоочниците (во облик на буквата С).
3 Осветлено
За создавање впечаток на образи што зрачат, втријте розово руменило во крем по должината на јаболчните коски, а одозгора нанесете иридесцентна пудра (бела пудра чии честички различно ја прекршуваат светлината).
Текст: Наташа Човиновска
Фото: Guliver/Getty Images